潘頓方嘉柏破冰川河達駒下月復出跑G2 | 合法除蟲公司

2021年3月15日—方嘉柏與潘頓曾經合作無間，騎練二人在港攜手取得149W，但潘頓自從於9月23號騎完「賞心星」、「安迅」同埋「金如意」3匹柏廐馬後，佢哋 ...

方嘉柏與潘頓曾經合作無間，騎練二人在港攜手取得149W，但潘頓自從於9月23號騎完「賞心星」、「安迅」同埋「金如意」3匹柏廐馬後，佢哋兩個一直無再合作，方仔之後一直重用莫雷拉，間接令雷神依家喺騎師榜遙遙領先，失去柏廐支持嘅潘頓則只能捱打。

不過，馬圈真係無永遠嘅敵人，最近有消息指出方嘉柏將會同潘頓復合，事關方仔打算讓珠穆朗瑪峰錦標冠軍「川河達駒」交由潘頓執韁，角逐下個月5號舉行嘅田草1200米G2短途錦標。對於今次決定，方嘉柏坦言早喺幾星期前問過潘頓騎唔騎「川河達駒」，佢話即使佢哋無合作一段時間，但自己喺一個向前看嘅人，況且潘頓係一位極出色嘅騎師，佢從無懷疑佢哋唔會再次攜手出擊。

對於潘頓嚟講，佢本身並無即時應承方嘉柏，畢竟「川河達駒」之前仍在從化操練，加上「福逸」昨日精彩的演出，但佢亦啱啱向我地《東網》馬經記者透露已落實騎「川河達駒」角逐G2短途錦標，佢亦非常期待夥拍呢匹短途好手上陣。

其實潘頓、方嘉柏與「川河」系馬主何家駒合作無間，「川河尊駒」兩度揚威新加坡，都係由潘頓建功，今次由「川河達駒」造就方嘉柏、潘頓破冰，亦算非常合理。