馬圈姻親關係你係咪個個都知？ | 合法除蟲公司

2020年8月13日—摩仔喬治、東女Antonia兩位馬壇後代早年已相識，近年更撻著成為情侶，摩仔同東女響網...潘頓、賈西迪女兒Nicole...白理維囡囡嘉美亦陪伴到來，更為蔡約翰打理廐內事務，賽日馬場偶爾亦見兩人同現身。李森、老摩女兒米雪.

摩仔喬治、東女Antonia

兩位馬壇後代早年已相識，近年更撻著成為情侶，摩仔同東女響網上fb經常有互動，之前仲一齊做義工，打得火熱呀，雖然兩個仲未結婚，都係馬圈半姻親關係喇~

潘頓、賈西迪女兒Nicole

潘頓07年來香港時候，已經同騎師賈西迪囡囡Nicole拍拖，到宜家咁多年仔女都生埋，兩個仲係黐頭芒咁恩愛，潘頓都幾專一噃~

羅富全、何華麟家姐何芬

六爺羅富全係好男人大家都知，佢同何華麟家姐何芬係初戀小情人，六爺仲話係唯一一個女朋友，堅長情呀~之後故事唔使再多講，六爺宜家仔女都咁大個囉，再加埋事業起飛，總之就好幸福喇。

李寶利、巫女Kimberley

早幾年來港發展嘅意籍騎師李寶利，追到靚到dum一聲嘅巫斯義囡囡Kimberley，三生修到呀！據聞李寶利現時仍非常著緊嬌妻，外父巫斯義老懷安慰喇！

方嘉柏、夏志信女兒

有番咁上下馬齡嘅馬迷，都知道方仔外父係前香港練馬師肥夏夏志信，上年6月方太現身馬場碰啱生日，方仔又咁啱起孖兼憑「跳出香港」贏大賽，方仔話22萬獎金畀晒老婆添，閃到人眼都盲呀~

蔡約翰、白理維女兒嘉美

早年蔡約翰來港打江山時，前妻白理維囡囡嘉美亦陪伴到來，更為蔡約翰打理廐內事務，賽日馬場偶爾亦見兩人同現身。

李森、老摩女兒米雪

當年法國騎師畢奇於晨課策騎「銀星一號」墮馬重傷癱瘓後，他的妻子即老摩女兒米雪改嫁李森，據聞兩人早於澳洲相識，更屬青梅竹馬。